23 წლის პოპ-მომღერალი რიანა ბარბადოსის ტურიზმის სამინისტროში ელჩად დანიშნეს. მომღერალმა ბარბადოსის ტურიზმის სამინისტროსთან კონტრაქტს მოაწერა ხელი. 3 წლის მანძილზე რიანა ბარბადოსის ტურიზმის განვითარებაზე იზრუნებს და ის სულ მალე, ამ კამპანიის სარეკლამო რგოლებშიც გამოჩნდება.მომღერალი სწორედ კარიბის ზღვის ამ კუნძულზე დაიბადა. რიანა ამბობს რომ ის ყველას გააცნობს ამ კუნძულის ეგზოტიკას.
-მსურს ყველამ მოინახულოს ბარბადოსი და მიხვდეს თუ როგორ გამოირჩევა ჩვენი კუნძული დედამიწაზე სხვა ადგილებისაგან- აცხადებს მომღერალი
ვარსკვლავი მოვალეობის შესრულებას აგვისტოდან შეუდგება. პირველი, რასაც ის გააკეთებს კონცერტის ჩატარება იქნება. მომღერალი საგასტროლე ტურნე Loud-ის ფარგლებში მშობლიურ ქალაქ ბრიჯდტანში იმღერებს.
- ქვეყნის ყველა მოსახლე რიანას მეზობლად მიიჩნებს, რადგან ის აქ დაიბადა და გაიზარდა, მაგრამ მუსიკალურ სივრცეში ის მსოფლიო სენსაციად იქცა. რიანა ბარბადოსის სიამაყეა! - აცხადებს ბარბადოსის ტურიზმის მინისტრი.
